قومی دارالحکومت دہلی کو 24 نئ اٹل کینٹین کی سوغات،وزیر اعلی نے کیا افتتاح ،5 روپے میں ملےگا کھانا

نئی دہلی (ایجنسی/ایف ای بی): دہلی کے لیفٹیننٹ گورنر ونے کمار سکسینہ اور وزیر اعلیٰ ریکھا گپتا نے جمعرات کو دارالحکومت میں 25 نئ اٹل کینٹین کا افتتاح کیا۔ افتتاح ڈیجیٹل طور پر کرشنا نگر میں نرسری بستی سے ہوا۔ اس سے دہلی میں اٹل کینٹینوں کی کل تعداد 70 ہو گئی۔ افتتاح کے بعد، لیفٹیننٹ گورنر، وزیر اعلیٰ، اور دیگر مہمانوں نے عوام کے ساتھ کھانا کھایا۔ لیفٹیننٹ گورنر نے کہا کہ 24 نئی اٹل کینٹینوں کے آغاز سے دہلی میں اٹل کینٹینوں کی کل تعداد 70 ہو گئی ہے۔ یہ اسکیم غریبوں اور ضرورت مندوں کے لیے فائدہ مند ثابت ہو رہی ہے۔وزیر اعلیٰ ریکھا گپتا نے کہا کہ اٹل کینٹین محنت کش طبقے اور ضرورت مندوں کو 5 روپے میں باعزت اور غذائیت سے بھرپور کھانا فراہم کرنے کی پہل ہے۔ یہ اسکیم شفافیت کے ساتھ چلائی جارہی ہے اور یہ غریبوں کی فلاح و بہبود اور جامع ترقی کے لیے حکومت کے عزم کا حصہ ہے۔ انہوں نے عہدیداروں کو ہدایت دی کہ وہ اس بات کو یقینی بنائیں کہ کھانے کے معیار، غذائیت اور ذائقہ پر کوئی سمجھوتہ نہ کیا جائے۔
اس تقریب میں مرکزی وزیر مملکت برائے شہری ترقی آشیش سود، دہلی کے شہری ترقی کے وزیر ڈاکٹر انیل گوئل، سینئر افسران اور بڑی تعداد میں مقامی شہری موجود تھے۔ دہلی اربن شیلٹر امپروومنٹ بورڈ (DUSIB) کے ذریعہ چلائے جانے والے، یہ کینٹین صرف 5 روپے میں خاص طور پر محنت کش طبقے اور ضرورت مند شہریوں کو غذائیت سے بھرپور اور صحت بخش کھانا فراہم کریں گی۔