بلوچستان میں خانہ جنگی ،پاکستانی فوج کے ہاتھوں 41 افراد ہلاک

کوئٹہ (ایجنسیاں ): بلوچستان میں پاکستانی فوج کے ہاتھوں 41 افراد کی ہلاکت کے بعد بلوچ لبریشن آرمی کے جنگجو مشتعل ہوگئے ہیں۔ بلوچ لبریشن آرمی (بی ایل اے) کے مسلح ارکان نے ہفتہ کی صبح سے ہی دارالحکومت کوئٹہ سمیت بلوچستان کے 12 شہروں میں شدید جوابی حملہ شروع کیا۔ بی ایل اے نے آپریشن ہاروف کے دوسرے مرحلے کا آغاز کر دیا ہے۔ بلوچوں کا دعویٰ ہے کہ اس جوابی حملے میں کم از کم 20 پاکستانی سیکورٹی اہلکار مارے گئے۔ بلوچوں نے ایسے ویڈیوز جاری کی ہیں جن میں بی ایل اے کے جنگجو بڑی تعداد میں بلوچستان کی سڑکوں پر گھوم رہے ہیں۔ صرف نوشکی کے علاقے میں کم از کم آٹھ پاکستانی فوجی مارے گئے۔ بلوچوں نے سینٹرل جیل پر قبضہ کر لیا ہے اور دونوں فریقوں کے درمیان شدید لڑائی چھڑ گئی ہے۔ بلوچوں کا دعویٰ ہے کہ پاکستانی فوج پیچھے ہٹ گئی ہے اور اٹیک ہیلی کاپٹروں کے ذریعے حملے کر رہی ہے۔این بیٹی نے بلوچتان کے ایک اخبار حو الےسے خبر شائع کی ہے جس میں اس بتاہے کہ کافی بڑی تعداد میں بی ایل اے کے جنگجو بلوچستان کے دارالحکومت کوئٹہ پہنچے ہیں۔ کوئٹہ میں کئی زور دار دھماکوں کی آوازیں سنی گئیں۔ بلوچستان میں تمام ٹرین سروس روک دی گئی ہے۔ کوئٹہ کے تمام اسپتالوں میں ایمرجنسی نافذ کردی گئی ہے۔ بلوچ جنگجوؤں نے کئی تھانوں پر قبضہ کر کے قیدیوں کو رہا کر دیا ہے۔ پاکستانی فوج پیچھے ہٹ گئی ہے اور اب اٹیک ہیلی کاپٹروں کی مدد سے حملے کر رہی ہے۔ بلوچ جنگجوؤں نے ایک ویڈیو پوسٹ کیا ہے جس میں دکھایا گیا ہے کہ کس طرح ایک پاکستانی فوجی گاڑی حملے میں مکمل طور پر تباہ ہو گئی۔ بلوچ لبریشن آرمی کے ترجمان جیند بلوچ نے ایک بیان جاری کرتے ہوئے کہا کہ آپریشن ہاروف کا دوسرا مرحلہ شروع ہو گیا ہے۔ بی ایل اے کے سربراہ بشیر زیب نے عوام سے اپیل کی ہے کہ وہ بی ایل اے کے جنگجوؤں کی مدد کریں۔ بشیر زیب نے بتایا کہ آپریشن ان کے وطن کے دفاع کے لیے شروع کیا گیا تھا۔ جیند بلوچ نے کہا کہ اسے بلوچستان پر قابض افواج اور فوج کے خلاف فیصلہ کن مزاحمت کا اعلان سمجھا جانا چاہیے۔