تمل ناڈو انتخابات: TVK کو 110سیٹوں پر سبقت،امید واروجے کے گھر پر جشن

نئی دہلی (ایجنسیاں/ایف ای بی)تمل ناڈو اسمبلی انتخابات کے ووٹوں کی گنتی جاری ہے تاہم مکمل نتائج کا انتظا رہے۔اس میں وجے تھلا پتی نے بھی اپنی قسمت آزمائی ہے ۔ رجحانات سے صاف پتہ چل رہا ہے کہ تمل ناڈو کےہردل عزیز فنکار وجے تھلاپتی کی پارٹی تمل ناڈو ویٹری کزگم (ٹی وی کے) کو دیگر پارٹیوں پر سبقت حاصل ہے۔اس کامیابی کو دیکھتے ہوئےوجے کی پارٹی اور ان کے فیملی کے ممبران میں جوش اور خوشی ہے ۔وجے کی پارٹی ’ٹی وی کے‘ تمل ناڈو ویٹری کزگم 110 سیٹوں پر آگے چل رہی ہے۔جس کو بڑی کامیابی کے طور پر دیکھا جارہا ہے ۔ وجے کی پارٹی کے لوگوں نے ان کے گھر پر جشن منایا۔ اس کامیابی پروجے کے والدین نےاپنا ردعمل ظاہر کیا ہے۔وجے کی کامیابی کے بارے میں نیوز ایجنسی اے این آئی سے بات کرتے ہوئے، ان کے والد ایس اے چندر شیکھر نے کہا، "پچھلے 30 سالوں سے، وہ سوچ رہے تھے کہ انھیں تمل لوگوں کے لیے کچھ کرنا ہے، یہ ہمیشہ ان کے ذہن میں تھا، آہستہ آہستہ، انھوں نے اس پر کام کیا، آج وہ تمل ناڈو کے وزیر اعلیٰ بننے جا رہے ہیں۔ تمل لوگ انھیں پیار کرتے ہیں، ہر کوئی انھیں اپنا بیٹا نہیں مانتا ہے، ہر کوئی انھیں اپنا لیڈر مانتا ہے۔ انا، جس کا مطلب ہے کہ کچھ 60 سال کی عورتیں اسے اپنا پوتا سمجھتی ہیں۔وجے کی پارٹی، TVK، تمل ناڈو میں ایک اہم سنگ میل حاصل کرنے کے قریب ہے۔ اس کی ماں بہت خوش ہے۔ ان کے والد نے وجے کی ماں کے بارے میں کہا، "وہ صرف وجے کی ماں ہی نہیں، وہ ان کی پہلی مداح بھی ہیں۔”ابھی گنتی مکمل نہیں ہوئی ہے، لیکن وجے کے گھر پر جشن کا ماحول ہے۔ ان کا خاندان ٹی وی پر وجے کے گانے گا کر اور ناچ کر جشن منا رہا ہے۔ اے این آئی سے بات کرتے ہوئے وجے کے کزن نے کہا، "وہ جوان ہیں ، اور تمل ناڈو میں ہر کوئی ان سے تبدیلی لانے کی توقع رکھتا ہے۔ اپنی آخری بات چیت میں، انہوں نے کہا کہ لوگوں کا ان پر بہت اعتماد ہے۔”اسی دوران وجے کے گھر سے ایک ویڈیو سامنے آیا ہے جس میں ہر کوئی سیٹیاں بجا کر اپنی خوشی کا اظہار کر رہا ہے۔ غور طلب ہے کہ وجے کی پارٹی TVK کا انتخابی نشان ایک سیٹی ہے۔ اس لیے ہر کوئی اپنی خوشی کے اظہار کے لیے سیٹیاں بجا رہا ہے۔تمل ناڈو میں کل اسمبلی سیٹیں 234ہیں ،جبکہ حکومت بنانے کے لئے جادوئی نمبر 118 ہے ۔